EtnoPRO: nuoret tuaste kerävytäh Petroskoih da Kostamukseh
Karjalan kanzallizen da alovehellizen poliitiekan ministerstvan kannatuksel Ystävystaloi valmistau EtnoPRO-nuorižopiduo. Tänä vuon se pietäh kahteh vuoroh da kahtes linnas — Kostamukses da Petroskois.
Elokuun 1.—3. päivänny Kostamuksen linnas enzi kerdua pietäh nuorižosessii ”Pohjaine vektoru: EtnoPRO”. Nuoril rodieu mahto nähtä tulokastu biznessua, kävvä paikallizile laitoksile da tuttavuo rahvahien kel, kenen elaigu, ruado, taido on kiini Karjalan pohjazes.
— Kučummo täh pidoh 18-35-vuodehizii nuorii, ket eletäh Karjalan arktizil alovehil da Mujehjärven piiris. On valmistettu suuri programmu. Myö kavymmö Karel’skii okatiš- da Kala- ja marjapojat -laitoksile, piävymmö 2. elokuudu Vuokkiniemen kylän pruazniekkah. Nuorile kerrotah, kui valdivo kannattau biznesprojektoi, mittumua abuu voijah suaja yhteiskunnallizet liitot, sanoi Oma Mediale Aleksandra Anufrijeva, Kanzallizen da alovehellizen poliitiekan ministerstvan konsul’tantu.
Kirjuttuakseh Pohjaine vektoru. EtnoPro -pidoh voibi heinykuunu 15.päiväh suate täs.
Piduo valmistetah kanzallizen projektan ”Nuorižo da lapset” Aloveh nuorih nähte -programman mugah.
Petroskois 6.—9. elokuudu pietäh perindölline Karjalan kandurahvahien etnokul’tuurizele kehityksele omistettu nuorižopido ”EtnoPRO”, kuduas kuulužat ekspertat omassah luvendolois da ruadopajois kerrotah moniluguzis mahtolois kandurahvahien kul’tuuran kehittämizekse.
Aihies voit lugie venäkse da suomeksegi.
