Erillizeh voinuoperatsieh yhtynyöt suajah ruadokohtat
Tämän vuvven aloh Karjalan ruatutuspalvelu löydi ruavon 31 erillizeh voinuoperatsieh yhtynyöle — miehet ruatah tulipalomiehinny, kanzallispuolistuksen spetsialistoinnu, raudusepinny-kohendajinnu, mečänhoidajinnu. Heis 8 hengie allettih oma ruadoala.
Jogahizele ruavon ečos olijale taritah opastuprogrammoi, testatah kygylöi da neroloi sellittäjes, annetah psiholougistu abuu.
Porojärveläzele Mihail Karpekinale Suojärven kadrukeskus autoi löydiä ruadokohtu omas kyläs KarelKommunEnergo-laitokses.
Nygöi Mihail aktiivizesti yhtyi oman kylän yhteiskunnallizeh elaigah — pidäy ”urhakkahuon urokkoi” nuorižole. Veteruanu kerdou lapsile erillizen voinuoperatsien urholois da Ižänmuallizen voinan aigazis urhomiehis. Mihail keräi nuorien Lider-joukon da rajamiehien nuorien abuniekoin joukon.
— Meil on tärgei auttua jogahistu. Voinuoperatsiespäi tulluot veteruanat hyvin työnnytäh rauhuelaigah da löytäh ruaduo eri aloil. Puaksuh heijän ruado on kiini avus toizile ristittyzile. Veteruanat keskenäh ollah sobukkahat: autetah adaptatsies toine tostu da niilöi, ket tarvitah abuu, sanoi Karjalan kadrukeskuksen johtai Vladimir Šestak Karjalan piämiehen lehtistöpalvelule.
Kai abukeinot erillizeh voinuoperatsieh yhtynyzih da heijän omahizih nähte ollah täs.
Karjalan kaikis kadrukeskuksis 15. ligakuudu 10.00—13.00 čuasuan aigah pietäh ruadokohtienjarmanku erillizeh voinuoperatsieh yhtynyzih da heijän omahizih nähte. Jarmankan programmu täs.
Karjalan tazavallas piämiehen Artur Parfenčikovan kehoitukses on hyväksytty uuzi zakonu. Sen mugah laitoksis, kudamis on enämbi 100 ruadajua, 1 % ruadokohtua pidäy andau erillizeh voinuoperatsieh yhtynyzile.
Ližiä sih nähte täs.
Aihies voit lugie suomeksegi.
