Enzimäine koronarokotus on luajittu Karjalas tänäpäi. Sih nähte omal VKontakte-sivul saneli Karjalan tervehysministru Mihail Ohlopkov. Enzimäine koronua vastah rokotettu on Petroskoin polikliekas n:o 2 ruadai liäkäri.
— Enzikse rokotetah vai liäkärilöi. Tieduo rokotettulois ristittyzis ližätäh yhtehizeh tietolistah, ku pidiä silmäl heijän tyrvehytty, kirjutti Ohlopkov.
Ohlopkovan mugah nygöi sellitetäh rokotuksen viettämisstabua Moskovaspäi Ven’an muuloile alovehile. Karjalah rokotusannoksii viettih lämmänpidäjis astielois. Täkse päiviä Karjalah tuodih 42 koronarokotusannosta. Pluanoin mugah tämän vuvven loppuh suate Karjalah tuvvah enämbi 500 ližiä koronarokotusannostu.