Eloho läksi “Kodiman” heinkun nomer
Tämbei läksi eloho “Kodima”-lehtesen heinkun nomer. Siš voib lugeda melentartuižiš ristituiš da tärktoiš azjtegoiš vepsläižiden elos.
Neciš nomeras voib lugeda siš, kut mäni vepsläine ”Elonpu”-praznik Ojat’-jogen randal Vidl-küläs, Nina Zaicevan udes ”Minun vepsläine oza”-kirjas, vastuses lugijoidenke Šoutjärves, melentartuižiš projektoiš.
— Meiden lugijad navediba lugeda kirjutesid melentartuižiš ristituiš, heiden elos da rados. Neciš nomeras om kaks’ mugošt kirjutest. Üks’ om Maria Košelevan polhe, hänen openduztes da rados. Toine starinoičeb mehes vepsläižes küläspäi — Mihail Tučinan polhe. Suren voinan aigan hän tegi urohontegon, miččes hänele anttihe Aleksandr Nevskijan orden. Tarkašti lugekat meiden lehteses, sanub “Kodima”-lehtesen pätoimitai Irina Sotnikova.
Necen nomeran čomenzoitab fotogalerei ”Elonpu”-praznikaspäi.
Lehtez jagetas ilma maksuta. Sen voib sada ”Kodiman” toimištos.
