Ven’alaine histouriekku, toimittai da yhteskunnalline ruadai Pavel Čubinskii nuorennu oli karkotettu Arhangelin gubernieh. Mies ezmäi oli Pinegas suvvon ruadajannu, myöhembäh händy työttih Arhangelih, kus häi rubei tutkimah sen alovehen eläjii da heijän taboi. Vuvvennu 1866 piäzi ilmoih statistiekku-etnograffukirjutus karjalazis. Tevos andoi kogonazen kuvan sen aijan elaijas, sie löydyy äijy tieduo ennevahnallizis uskomuksis. Kniigu tuli hyvin tundietukse, tässäh nygyaigazet tutkijat mielihyväl tsitiiruijah kniigas löyttylöi tiedoloi.
Ei ammui tevos oli kiännetty suomekse da nygöi sidä voijah lugie Suomes eläjät karjalazet da myös kaikin, ket ollah kiinostunnuot karjalažuoh. Kiändäjänny on Marja Kynkänniemi, Ven’an puoles sidä toimitettih karjalazet tutkijat.
Kniigu oli painettu Karjalan Sivistysseuran da Kielen, literatuuran da histourien instituutan yhtehizen projektan hantuzis, kuduan piätarkoituksennu on kiändiä tevoksii endizes Karjalas. Tulou kogonaine 1800-luvun toimittajien, tiedomiehijen da matkailijoin kniigusarju. Suomenkielizet kniigat piästäh ilmoih ven’an kielel da ven’ankielizet – suomen, gu niidy suas lugie mollembil kielil. Ezimerkinny on ei ammui päivänvalgien nähnyh K. Inhan Kalevalan laulamailta -kniigu.
Elämää Vienan kylissä 1860 luvulla -nimine kniigu jo voibi ostua Karjalan Kielen Seuran verkokaupas.