”Elävän muston silmykaivo” keräi lapsii Šoutjärveh
Tänäpäi huondeksel, 22. sulakuudu, Šoutjärven školas algavui jogavuodine školienväline konferensii ”Eläban mušton purtked”. Suures Ižänmuallizes voinas voiton 80-vuozipäiväkse omistetus konferensies pietäh paginua Šoutjärven, Šokšan, Kaleigen da Pain školan opastujat.
Konferensies opastujat ruvetah pagizemah Onieganrannikon piirin vepsäläzien kylien histouries da niilöin eläjien urhotegolois, školamuzeiloin kallehis eksponuatois, vepsäläzien pyhis kohtis.
Konferensien avattih Kaleigen školan opastujat Karina Grigorjeva da Denis Vetrov. Hyö valmistettih dokluadan vepsän kielen da kul’tuuran kaiččijas Alevtina Ivanovna Andrejevas.
— Alevtina Andrejevna rodivui vuvvennu 1938 Šoutjärveh, on vepsäläzen suarnansalelijan Anastasija Logačovan tytär. Oli GTRK-Kalerian kanzalliskielizen raadivotoimituksen toimittajannu läs kymmendy vuottu, valmisti raadivoprogrammoi vepsän kielel. Alevtina Ivanovna oligi Kodima-lehten toimittajannu, hänen kirjutuksii oli lehten joga noumeras. Oman muamankielen kehittäjjänny olles Alevtina rubei kirjuttamah runoloi vepsän kielel lapsile da ruavahile, vuorokkai toine toizen jälles saneltih Karina Grigorjeva da Denis Vetrov.
Konferensies on nelli nominatsiedu: ”Vepsän muan kaiččijat”, ”Minun čoma, minun armas roindumuan čuppu”, ” Školamuzei on histoirien opastuksen erähii keinoloi ”, ”Matku Voittossah”.
