Jäi koume päiväd, miše ühteta ”Koki, koki, kala!”-fotokonkursaha (6+). Kaikutte tahtnik voib oigeta ičeze fotoid, kus hän om kalanke vai kalatab. Parahimad fotokuvad čomenzoitaba Vidlan ”Elonpu”-praznikad.
Piterin agjan vepsläižed amussai pidäba kezal vepsläižid praznikoid. Täl vodel vepsläižed Vidlaspäi planuičeba ”Elonpu”-praznikad 13. kezakud. Adivoiden täht linneb tehtud foto-ozuteluz, miččel oma fotokonkursan vägestajiden töd.
—Täl vodel ”Elonpu”-praznik mö tegem internetan abul. ”Koki, koki, kala!”-fotokonkursan ühtnikad oigendaba meile fotokuvad kalatesespäi. Mö panem fotoid internetha, miše kaik ristitud voižiba nägištada niid, sanub Vidlan Vepsän fol’kloran keskusen radnik Ol’ga Spirkova.
Fotokuvad pidab oigeta 11.päivähasai kezakud verkpočtale.