Tämän vuuvven Carelia-kuvalehen viimeni numero näki päivänvalkien. Šuomen kielen ta kulttuurin netälin rajoissa piettih šen esittely. Kuvalehen piätoimittaja Armas Mašin kerto numeron sisällöštä ta esitti šuurempien rubrikkien kirjuttajie. Ne ollah Mihail Gol’denberg, Uljana Tikkanen, Robert Kolomainen, Natalja Čikina, Natalja Barkalova, Sergei Minvalejev.
Artikkelien kirjuttajat tahi heijän ieštä tulluot etuštajat šanottih mistä on artikkeli ta mintäh on mukava lukie šitä.
— Mie tahon koroštua, jotta nyt kuvalehti on tullun mukavammakši ta nykyaikasemmakši. Šiinä on enemmän kuvie ta šivujen taitto on niise muuttun. Myö ečimmä teemoja, kumpaset kiinnoššettais lukijie, jotta painošmiärä kašvais. Mie aina toissan, jotta kuvalehen painošmirä rupieu kašvamah, još tiluajien luku noušou, šano aikakauslehen piätoimittaja Armas Mašin.
Esittelyn jälkeh toimittajat, kirjuttajat ta lukijat paistih kuvalehen artikkelien teemoista ta juotih čäijyö lämpimäššä ilmapiirissä.
Carelia-aikakauslehtie valmissetah kakši kertua vuuvvešša šuomen kielellä. Šiinä julkaissah Karjalah ta šen kanšoih liittyjie nykytärkeitä tahi istorijallisie materialija, šekä runoutta ta proosua.
Aihiešta voit lukie niise venäjäkši.