Baltianmeren suomalaižiden rahvahiden liga-sebr ühthevedeti kaht tärktad projektad: ”Vepsän rahvahan tütär” da ”Mušton aig”, kudambad om omištadud Sovetskijan Sojuzan gerojan Anna Lisicinan urohontegole. Projektan tegijad Anna Anhimova da Aleksandra Aniskina starinoičiba adivoile projektan azjtegoiš.
— Meiden projektad ei vaiše libuiba norišton patriotizmad da armastust kodimale, no ühtniba-ki kaiked meiden kundad, sanui Baltianmeren suoalaižiden rahvahiden ligan pämez’ Anna Anhimova.
”Vepsän rahvahan tütär”-projekt lopiše ”Vepsläine”-monospektaklil, mitte mäneb 10. tal’vkud Petroskoin Kul’turan da taidehen kolledžas.
— Meiden projektoiden taguiči norišt tedišti meiden man istorijas, Anna Lisicinan urohontegos. Spektaklil minä tahtoin starinoita istorijan noren neičukaižen polhe, mitte ei varaidand, sanui spektaklin ohjandai da aktris, Rahvahaližen teatran aktris Aleksandra Aniskina.
”Vepsän rahvahan tütär projekt” om tugetud Karjalan pämehen grantoiden fondal. ”Mušton aig”-projekt tugi Petroskoin lidnan administracii.