Autoturizmu: Karjalu suau 20,3 miljounua rubl’ua
Autoturizman kehittämizen Karjalan tazavaldu suau kymmenes vuvves 20,3 miljounua rubl’ua. Pidoloin pluanu on kirjutettu vuodessah 2035 suate.
Ainos vai puaksumbah rahvah lähtietäh automatkoih Karjalua myöte. Ga ei kaikkiel tiet da infrastruktuuru ollah pättävät. Negatiivizien faktoroin joukos lugietah erähien tielöin paha kundo, autozapravkoin, syöndy- da huogavundukohtien vähyön.
Kymmenes vuvves tazavallas huavatah parandua niilöin autotielöin kundo, kuduat vietäh kuulužien turistuobjektoi luokse, kohendua kaikis kyzyttävimät tiet, azettua tielöin viereh syöndy-, yöbymis- da huogavundukohtat, sego luadie tarvittavat olot niistielöile. Paiči sidä kunnostetah da levendetäh mašinoin azetuskohtat turistuobjekoin tyves da suajah pyzyvy internettuyhtevys. Erähih mainittulois ruadolois valdivo kuhkuttau onvestoroi.
— Lähi vuozin Karjalan eri piirilöih huavatah kunnostua da uvvistua 15 autozapravkua. Projektu loppehes vuvvennu 2037, pluanan mugah infrastruktuuran uvvistamizeh anetah enämbi 500 miljounua rubl’ua, ilmoittau RBK-uudizientoimisto.
Yhty Oman Median kanualah MAX:as!
