Audiospektakli kertou musejon näyttelyistä

Projekti on tarkotettu kävijillä, kumpaset ečitäh uušie epätavallisie toimenpitoja musejoissa. 6+ Kuva: Karjalan kanšallisen musejon VK-šivu

Vanhan talon iänijä -audionäytelmä kertou Kanšallisen musejon näyttelyštä. Musejo voitti rahua šen valmistamiseh Venäjän Pohjosen musejot -hyvänluajintaohjelman granttien kilpailušša.

– Vanhan talon iänijä -projektin tavoittehena on valmistua uuši musejopalvelu, kumpasen peruštehena on istorija ta teatteri. Audiospektakli kertou musejon vakituisešta näyttelyštä. Šen luatimisen lisäkši musejo oštau audio-oppahie ta järještäy interaktiivisie keškukšie musejon šaliloih, ilmottau Karjalan tašavallan kulttuuriministerijön lehistöpalvelu.

Projekti on tarkotettu eri-ikäsillä ihmisillä, kumpaset ečitäh uušie epätavallisie toimenpitoja musejoissa. Granttien kilpailuh oli työnnetty 50 anomušta, niistä voitti 14 projektie Venäjän kahekšalta alovehelta. Näytelmyä ruvetah valmistamah vuotena 2022.