Audiogid vepsän kelel om ”Lingua-muzei” projektan pala, mitte om Karjalan pämehen grantoiden konkursan vägestai. Projektan pätegendan om antta voimusen Karjalan rahvahile sada tedoid kul’turan da muzejan polhe kodikelil.
Muzejas mäni vepsänkeližen audiogidan ezmäine ozuteluz, kuna tuliba Petroskoin universitetan üläopenikad, miččed opendaba vepsän kel’t.
Tekstad audiogidan täht kändi ”Kipinä”-kulehtesen toimitai Darja Švecova, kodvi necidä muzejan radnik Julia Aprodu.
— Audiogid vepsän kelel starinoičeb muzejan ozuteluzkaluiš, miččed oma ezitadud ”Kalevalan mail’m”, ”Pohjoižed kirjeižed” da toižiš ozuteluzzaloiš. Oli jügedahk käta erasid tekstoid, no lopuks tuli hüvä rad, sanub muzejan radnik Julia Aprodu.
Jäl’ges ozutelust mäni taidehmastar’-klass vepsän kelel.
Audiogid om tehtud videl rahvahaližel kelel: vepsän, karjalan, azerbaidžanan, armenian da gruzian kelil.
Audiogidad nenil kelil voib kundelta necen voden kül’mkuhusai.