Asientuntijat šuatih palkinnot kulttuurih panokšešta

Asientuntijat šuatih palkinnot kulttuurih panokšešta

28.12.2023
Petroskoissa myönnettih palkinnot luovien alojen asientuntijilla omašta panokšešta kulttuurin kehittämiseh.
Palkintoja šuatih luovien alojen asientuntijat kulttuurih panokšešta. Kuva: Uljana Tikkanen
Palkintoja šuatih luovien alojen asientuntijat kulttuurih panokšešta. Kuva: Uljana Tikkanen

Karjalan kanšallisešša musejošša juhlallisešti myönnettih metalit, kunnivomerkit, kunnivonimet, hallitukšen stipendit šekä palkinnot kuvataito- , kulttuuri- , teatteri- , musiikki- , arhitektuuri- , kirjallisuš- , käsityö- ta toisien alojen asientuntijilla, kumpaset luajittih šuuren panokšen meijän tašavallan kulttuurin kehittämiseh. 

Anšijoittunuot palkinnot myönnettih Karjalan piäministerin šijahini sosialikyšymykšien alalla Larisa Podsadnik ta Karjalan kulttuuriministeri Aleksei Lesonen. Omissa tervehyššanoissa hyö koroššettih, kuin tärkie on kulttuuri, kumpani pelaštau ihmisellisyttä kaikissa ajoissa. 

Gavriil Deržavinilla nimitetyn metalit Venäjän henkellisarvojen šäilyttämisen ta lujentamisen toiminnašta šuatih Karjalan kanšallisen musejon johtaja Mihail Gol’denberg ta Sever-kuvalehen piätoimittaja, runoilija Jelena Pietiläinen.

— Gavriil Romanovič ruato täššä rakennukšešša, hiän eli tiälä ta luati äijän meijän šeuvun hyväkši ta aina muisti šitä. Myö monta vuotta piemmä Deržavinin luvennot -konferenššie. Myö šäilytämmä Deržavinin nimen arvuo ta tänäpiänä on kallista šuaha hänen nimen palkinnon, kumpasen šuamiseh luati panokšen koko meijän kollektiivi, šano Karjalan kanšallisen musejon johtaja Mihail Gol’denberg.

Karjalan kantakanšojen kulttuurin šäilyttäjät oltih palkintojen šuajien luvettelošša. Sampo-palkinnon šuatin vepšän kielen tietäjä ta tutkija Nina Zaitseva Kalevala-eepossan kiännökšeštä vepšäkši, Karjalan kanšallisen teatterin kollektiivi Kullervo-spektaklista. Karjalan šielu -kunnivonimen tänä vuotena šai Gornitsa-folkloriteatterin johtaja Boris Šustov. Irina Fedosovalla nimitetyn palkinnon šai Vesläžed-folkloriyhtyveh ta šen johtaja Ol’ga Gabukova. Juakko Rugojevilla nimitetyn stipendin šai Petroskoin yliopiston opaštuja Valerija Grafova.

Palkintojen šuajat šaneltih kiitoššanoissa, jotta še antau lisyä intuo antua enemmän voimie kultturin kehittämiseh ta oman toiminnan jatkamiseh.


ПОХОЖИЕ НОВОСТИ
Oma Media
СМИ: финско-русский класс в Турку будет закрыт в следующем году
Родители учеников считают действия властей политически мотивированными.
Oma Mua
Šuomelais-ugrilaiset kanšat šuahah kannatušta etnokulttuurikehitykšeh
Venäjän hallituš hyväkšy šuomelais-ugrilaisien kanšojen etnokulttuurikehitykšen kannatušmiärien kokomukšen.
Периодика
KniiguMelličču — "Периодика" представила свои книжные новинки
В 2023 году издательство выпустило 16 книг, среди которых как книжные новинки, так и переиздания произведений.
Karjalan Sanomat
Tukea perheille ja nuorille – Venäjällä toteutetaan uusia kansallishankkeita
Perheitä tukevia liittovaltion ohjelmia on jatkettu vuoteen 2030 asti. Linjapuheessaan presidentti Putin esitteli myös uusia kansallishankkeita.
Kodima
”Kirjmel’nic” uziden kirjoiden ezitelend
29. uhokud Karjalan Rahvahiden sebruden kodiš mäni “Kirjmel’nic” – “Periodika”-painišton uziden kirjoiden ezitelend.
Karjalan Sanomat
Höyryvetureiden museo Sortavalaan – Ensimmäinen näyttely avataan kesällä
Sortavala saa uuden nähtävyyden, jossa saa tietoa rautateiden ja höyrykoneiden ja -vetureiden historiasta.
Karjalan Sanomat
Karjala on valmistautumassa ammattikilpailuihin Abylimpics-2024
Osallistujat kilpailevat 19 ammattitaitolajissa 25.–29. maaliskuuta.
Karjalan Sanomat
Petroskoilaisia kutsutaan osallistumaan hiihtomaratoniin
Perinteinen hiihtotapahtuma järjestetään Petroskoissa 10. maaliskuuta.
Karjalan Sanomat
Karjalan Arktinen alue: tasavalta kiinnostaa investoijia
Lähes 25 prosenttia sijoittajista toteuttaa matkailuhankkeita tasavallan arktisella alueella.
Войти
Регистрация
Пароль
Повторите пароль