Artur Parfenčikov ilmotti Lahja puoluštajalla -aktijon alušta

Lahja puoluštajalla -aktijoh voipi ošallistuo joka halukaš. Kuva: Artur Parfenčikovin VK-šivu

Karjalašša on alkan Lahja puoluštajalla -aktijo, kumpani on šijotettu Tuatonmuan puoluštajan päiväh. Šen rajoissa Karjalan joka eläjä voipi tuuvva tarvittavie tavaroja piirikeräyšpistehih, kumpaset toimitah koko tašavallašša.

— Työnnämmä meijän šankariloilla hyövyllisie lahjoja, kirjasie ta korttija lämpimine toivomukšineh. Jokahini voipi ošallistuo aktijoh, jokahisen panoš on tosi tärkie, korošti alovehen piämieš omalla kanavalla MAX-viessintäpalvelušša.

Keräyšoistehih voipi tuuvva lämpimie vuatteita, ruokatavaroja, liäkkeitä, tervehyönhuoltotavaroja, USB-laittehie, akkuja, lämpöhautimie, kannettavie kaašupulloja, patterija ta ampumahautakynttilöitä.

Täyši luvettelo tarvittavista tavaroista löytyy tiältä.

Keräyš pistehet toimitah tašavallan eri piirilöissä. Petroskoissa ne on avattu atressilla Leninin katu, 2 ta Dzeržinskin katu, 3.

Aktijo keštäy tuiskukuun 15. päiväh šuaten. 

Aihiešta voit lukie niise šuomekši.

Yhty Oman Median Telegram-kanalah!