Arktine gektuaru: Karjalas on hyväksytty 2600 kondupakičustu
Arktine gektuaru -programmu on äijäl kyzyttävy Karjalas. Tazavallas on hyväksytty 2 600 kondupakičustu. Sih nähte karjalan tazavallan piämies Artur Parfenčikov kirjutti omassah VKontakte-sivul.
— Enämbi 1 900 ristikanzua on jo suadu muakonnut. Segežan da Belomorskan piirikunnat sego Louhen piiri ollah kyzyttävimät programman kohtat, kerdoi Perfenčikov.
Tazavallan piämiehen mugah konnut annetah puaksuvimah muatalovuskäyttöh, oman koin libo matkailukohtien nostamizekse.
— Tänä vuon programmah ližätäh 660 gektuarua muadu, sanoi Parfenčikov.
Arktine gektuaru -programmu on käytös Karjalas vuvves 2021. Tazavallan piirilöin listal ollah Louhen, Kalevalan, Kemin piirit sego Belomorskan da Segežan piirikunnat da Kostamuksen linnanpiiri.
Ližäkse Karjalas todevutetah Arktine eländykohtulaihin -programmu. Vereksien tiedoloin mugah eländykohtulaihinoi otetah puaksuvimah Kostamukses da Segežas. Karjalas programman mugah on annettu 382 laihinua, kudamien kogonaine suurus on 1,2 miljardua rubl’ua. Laihin annetah kahten protsentan korrol.
Aihies voit lugie suomeksegi.
