Piteriš zavodi radon Rahvazkeskeine seminar Arktikan igähižiden vähäluguižiden rahvahiden keliden kaičendan da popul’arizoitandan mödhe. Seminar mäneb Venäman valdkundaližes pedagogižes universitetas A.I. Gercenan nimel. Sihe ühtbeba Vepsän kul’tursebran ezitajad Karjalaspäi. Hö ezitaba mahtištod vepsän kelen kaičendas da kehitoitandas.
— Kaik seminaran ühtnikad oma hüväd kodikelen kaičijad. Päidei om antta kodikelid lapsile nügüdläižiden tehnologijoiden kal’t. Om todud sil’mnägubale äi hüvid ozutesid, oliži hüvä otta niid radho, sanub Vepsän kul’tursebran pämez’ Larisa Čirkova.
Seminarale kerazihe äi rahvahid erazvuiččiš Venäman agjoišpäi. Pagištas kodikeliden opendamižes, literaturas kodikelil, projektoiš, joukvestišton rados i toižes. Seminaran aigan mäneb ozuteluz, kus om ezitadud openduzkirjoid vähäluguižiden rahvahiden kelil.