Anukses vastavuttih ”Oma Pajo” da ”Karjalan koivu”
Virboipyhäpäivänny Anuksen linnan kul’tuurutalois vastavuttih petroskoilaine ”Oma Pajo” da paikalline ”Karjalan koivu”. Yhtehizes konsertas sai kuulta tuttuloi da uuzii pajoloi, karjalazet kylläl kuultih omua muamankieldy.
— Pivos oli ylen mielužu mieliala. Kuundelijat, kui nuoret mugai ruavahat, hyväl mielel čukelduttih karjalan kul’tuuran muailmah da kannatettih artistoi käzien räškytyksil, sanoi Oma Mediale omapajolaine Natalja Gromova.
Vastavuksen lopus kaksi pajojoukkuo yhtes pajatettih Terveh, Karjal -pajon, kuduan kirjutti endine ”Oman Pajon” johtai L’ubov’ Nikitina karjalazen runoilijan Aleksandr Volkovan sanoin mugah. Zualasgi istujat kaččojat voidih pajattua myödäh, ku pajon sanat sai lugie suurel ekruanal.
Vastavus kuului Pajatammo yhtes -pidoloin joukkoh, kudamii pietäh Oma Pajo -horan da Anuksenlinnan karjalazien liiton yhtehizen Oniegas Luadogah suate -projektan hantuzis. Projektua todevutetah Prezidentan grantufondan kannatuksel.
Yhty Oman Median kanualah MAX:as!
