Karelija – sozvezdije narodov -projektan hantuzis 8.-9. sulakuudu Anukses pietäh Karjalazien IX Kerähmön vallittuloin nevvoston seminuarua. Pivon aigua Nevvostoh kuulujat da virgumiehet saneltih, kui Karjalas todevutetah Kerähmön rezol’utsiedu. Seminuaras mainittih karjalan kielel valdivollizes stuatusas – ku ruado eistys, Karjalazien IX Kerähmön vallittuloin nevvostol pidäy roita virrallizekse yhteiskunnallizekse yhtymäkse. Nevvoston piälikkö Raisa Samodajeva uskladi sellittiä sen.
– Pidäy mainita, ku nygöi Karjalan laitoksis ei tävvy kanzallizien kielien maltajii ruadajii. Kielen maltajii tarvitah, sanommo, Petroskoin valdivonyliopistoh, Periodika-julguamoh da Karjalan televiidenieh, saneli seminuarah yhtynyh Periodika-julguamon piälikkö Natalja Sinitskaja.
Kul’tuuruprogramman hantuzis seminuarah yhtynyöt kävväh Anuksen piirin kylih –Alavozeh, Videleh da Miägriäh, kus gostih niškoi pietäh erilazii ruadopajoi.