Anuksenlinnu: rakendusruadoloi jatketah
Mulloi Anukses allettih nostua liikundukul’tuuru- da tervehyskompleksua, ga aijan aloh sobimus rakendajien joukon kel katkattih. Ruado ei mennyh hyvin, ga nygöi linnanhaldivo löydi uvven rakendusjoukon da ruavot algavuttih uvvessah.
Anuksen piirin piämies Vadim Murii rakendajien uvven joukon kel käi kaččomah paikkua, kunne nostetah kompleksua. Sen pinduala on enämbi 1,5 tuhattu nellikkömetrii. Nygöi sie pietäh muanruadoloi, kaivetah muadu da azetetah sähkyö.
— Ruado jatkuu täytty vägie, luajitah yhtehizii muanruadoloi. Se roihes ravei liikundukul’tuuru- da tervehyskompleksu, kudaman viereh vie luajitah suuri azetuskohtu mašinoih niškoi, ilmoittau Anuksen piirin haldivo.
Projektua todevutetah valdivollizen Kylien alovehien kompleksukehitys -programman hantuzis da finansiiruijah muantalovuon Alavoine- da Mägrii- laitokset. Piirin eläjät uskotah, gu täl kerdua ruadoh tulluot rakendajat nostetah kompleksu aigoinaijal. Endine rakendusjoukko loppi ruandan syvyskuus vuvvennu 2025.
Yhty Oman Median kanualah MAX:as!
