Anuksen linnu ”Pajattau yhtes”
Anuksenlinnan päivän kunnivokse 26. syvyskuudu pietäh hengellizen muuzikan festivuali ”Sinule pajatmmo” da karjalazen pajon tazavallan IX festivuali ”Pajatammo yhtes”.
Sinule pajatammo -festivualih yhtyy Anuksenlinnan da piirin, Suojärven, Jessoilan, Petroskoin da Vsevoložskan pajattajua. Pivos suau kuulta anukselazii ”Terveh, briha”, ”Pokrov” da ”Karjalan koivu”, Tuuksen ”Kiuruine”, Mägriän ”Garmonija”, Jessoilan ”Siämärvi” da äijii toizii.
— Meijän pajojoukko jo tostu kerdua yhtyy täh festivualih. Rubiemmo pajattamah oniegantagavozen vahnoi pajoloi da hengellizii runoloi. Nellästostu pajattajas meidy Anukseh lähtöy kaheksa hengie, sanoi Oma Mediale petroskoilazen Kudel’uška-pajojoukon johtai Nadežda Porozova.
Festivualin rahvas yhtytäh huondeksel moleebenah Sergii Radonežskoin časounas da sen jälles siirrytäh Pyhän Jumaldoman Smolenskoin obrazan kirikköh Marjam-suarele.
Kai pivot on omistettu Amuksenlinnan 377-päiväle.
Yhty Oman Median kanualah MAX:as!
