Anuksen kinoteatru on valmis
Anuksen kinoteatru on valmis. Perustehellizet kohendusruavot piettih federuallizen Kyläalovehien nygyaigaine nägö -projektan mugah. Luajitut ruavot maksettih 38, 8 miljounua rubl’ua.
— Sada vuottu tagaperin Anukses enzimäzen kerran ozutettih kinuo, se oli iänetöi. Nygöi anukselazih nähte kinotetaru on tärgei kohtu aijanvietokse, sendäh tiettäväine olemmo ihastuksis, ku se kohenduksen jälles avavuu uvvessah, sanoi Oma Mediale anukselaine Tatjana Romanova.
Uvvistetus rakendukses 28.—29. kylmykuudu pietäh Anuksen Pakkasukkoloin XXIII kižat. Niilöin nimekse tänä vuon on pandu ”Bohatteriloin kižat”. Festivualih tullah Pakkasukot da Lumineidoit ymbäri Ven’ua. Gostih nähte valmistetah jarmanku, ozuttelut, sportukižat.
Festivualin lopus pietäh gala-šou, kudai rodieu omistettu karjalazen Pakkasukon — Pakkazen roindupäiväle.
Aihies voit lugie suomeksegi.
Yhty Oman Median kanualah Telegramas!
