Anukselaine parahien kirjastoloin ruadajien joukos
Anuksen kirjaston ruadai Tatjana Romanova puutui muan parahien oman alan spetsialistoin joukkoh. Ven’an kul’tuuran ministerstvu pani merkile 95 spetsialistan ruadosuavutukset.
Tatjana Romanova on suannuh palkindon nominatsies ”Ezi-ižien perindö: kul’tuuruperindölöin säilyttämizes da elavuttamizes da hengellizien kallehuksien kehittämizes”.
— Se ongi meijän kirjaston alalline ruado — karjalazien kul’tuuran da kielen säilyttämine, oman kodirannan histourien tutkimine. Tämä palkindo on ei vaigu minun, ga kogo meijän kirjaston, kaikkien meijän ruadajien palkindo, sanoi Oma Mediale Tatjana Romanova.
Karjalan finansuministerstvan piämies Aleksandr Klimočkin hyvitteli Tatjana Romanovua:
— Sydämellizesti hyvittelen korgien palkindon suandua. Vie kerran tovestan: Anuksenlinnu on nerokkahien, ruadajien da oman ruavon suvaiččijoin ”paja”. Toivotan menestysty ruadoalal da mieldykiinnittäjii projektoi, kirjutti Klimočkin omassah VK-sivul.
Yhty Oman Median kanualah MAX:as!
