Anukseh azetetah Vladimir Brendojevan mustopačas
Anuksenlinnah azetetah runoilijan Vladimir Brendojevan mustopačas. Anuksen piirin haldivo valliččou mustopaččahan parahiman projektan. Mustopačas azetetah runoilijan nimellizen puuston vastaspäi.
— Kučummo ammatillizii kivenvestäjii, arhitektoroi, taidomiehii, tadojoukkoloih kuulujii da iel manittuloin aloin yliopastujii. Kilbua pietäh kevätkuun 20. päiväs algajen kezäkuun 5. päiväh suate. Kilvan tulokset ilmoitetah 16. kezäkuudu 2026. Voittai suau den’gupalkindon, ilmoittau Anuksen piirin haldivo omassah VK-sivul.
Kilbah voibi jiäviekseh sähköadresile Kilbu-merkin panemal. Vladimir Brendojev rodivui vuvvennu 1931 Anuksen lohkon Sammatuksen hieruh. Häi oli enzimäzii karjalakse kirjuttajii. Brendojev kirjutti runuo da prouzua livvinkarjalakse, sego kiändi karjalakse Ven’an kirjuttajien tevoksii. Kuoli vuvvennu 1990. Tänävuon täydyy 95 vuottu hänen roindas.
Aihies voit lugie suomekse da ven'aksegi.
Yhty Oman Median kanualah Telegramas!
