Anna Anhimova sai korktan arvnimen
Karjalan Valdkundan pämehen käskön mödhe hüväs rados da korktoiš satusiš pauklahjoitihe “Kiži”-muzejan radnikoid. Heiden keskes om vepsläine Anna Anhimova, hän sai “Arvostadud Karjalan Valdkundan kul’turradnik” -arvnimen.
— Korged arvnimi nece om sur’ vastusenpidänd! Olen ihastusiš, miše minä sain sen. Nece oli varastamatoi azj minun täht. Radan kul’turan alovehes kaiken elon. Minä navedin kosketadas ristituidenke, todenzoitta eloho rohktoid idejoid. Kitän muzejan pämest Jelena Viktorovna Bogdanovad, miše tariči minun kandidaturad arvnimen samižen täht. Nece libutab minun henged i minä tahtoin völ enamba rata Karjalan hüvüdeks. Ičein pauklahjan minä omištan vanhembile, sanui Anna Anhimova.
Vodelpäi 2009 Anna Anhimova om “Suomalaiž-ugrilaižiden rahvahiden liga” -sebran pämez’. Neciš aigas eloho om tudenzoittud äi projektoid, miččed oli oigetud Karjalan igähižiden rahvahiden tradicijoiden kaičendaha da popul’arizoitandaha.
Tantoi lopihe “Karel’skaja kuhn’a i Točka” -projekt, mittušt ohjanzi Anna. Sen satuseks tegihe čoma “Karjalan rahvahiden keitändlad” -kirj, mitte tuli mel’he Karjalan eläjile.
Tarkištele "Oma Median" MAX-kanalad!
