Šanelu yhistäy karjalan ta vepšän kielen harraštajie

Vuuvvešta vuoteh yhä enemmän ihmisie liittyy aktijoh. Kuva: Oma Mua -lehen arhiiva

Perintehellini Karjalan ta vepšän šanelu -aktijo pietäh 20.–25. šulakuuta Karjalan tašavallašša šekä Leningradin, Tverin ta Vologdan alovehella.

– Enšimmäisinä šaneluo kirjutetah Petroskoissa. Karjalašša aktijoh niise liitytäh Koštamukšen kaupunkipiiri šekä Priäžän, Kalevalan, Aunukšen, Onegarannan, Šuojärven, Sortavalan, Belomorskin, Mujejärven ta Louhen piirit, ilmottau aktijon järještäjä Karjalan kanšallisen ta alovehellisen politiikan ministerijö.

Šeurata aktijon uutisie šuau toimenpivon ryhmäššä VK-sosialiverkošša. Toimenpito järješšetäh Karjalan kanšallisen ta alovehellisen politiikan ministerijö Karjalan Rhvahan Liiton ta Vepšäläisien kulttuurišeuran avulla.