Šanelu vepšän kielellä: Karjala liittyy yleisvenäläiseh tempaukšeh

Viime vuotena šanelun tekstit oli omissettu Šuuren Voiton 80-vuotispäivällä. Vepšäläiset aktivistit keräyvyttih Karjalaisien, vepšäläisien ta šuomelaisien resurssikeškukšeh. 12+ Kuva: Karjalan tašavallan kanšallisen ta alovehellisen ministerijön VK-šivu

Tuiskukuun 16.—25. päivinä vietetäh Yleisvenäläistä etnošaneluo, kumpani on šijotettu Muamonkielien kanšainväliseh päiväh. Aktijon rajoissa Karjalašša pietäh šanelu vepšän kielellä.

Halukkahat šuahah kirjuttua šitä 20. tuiskukuuta klo 17:00 kielellä Karjalan kanšojen yštävyštalošša Petroskoissa. Tänä vuotena šanelun teemana on kotimua, ilmottau Karjalan tašavallan kanšallisen ta alovehellisen ministerijö.

— Šanelun tarkotukšena on kiinitttyä huomijuo Venäjän kielimoninaisuon kauhehuon ta merkitykšeh, herättyš kiinnoššušta niijen opaštumiseh. Yhtehvevot luajitah vuuvven 2026 kevätkuun lopukši, ministerijö kertou.

Aktijon rajoissa koko muašša pietäh šaneluja Venäjän federatijon Pohjosen, Siperin ta Loittoisitän vähälukusien kantakanšojen kielillä.

Aktijon järještäjänä on Venäjän federatijon Pohjosen, Siperin ta Loittoisitän vähälukusien kantakanšojen liitto.

Aihiešta voit lukie niise šuomekši.

Yhty Oman Median Telegram-kanalah!