Alovehen ohjavo: enämbi 300 kyzymysty sellitetty
Alovehen ohjavokeskus 24. talvikuudu on täyttänyh 5 vuottu. Sit aijas ohjavokeskukses rodih tärgei side meijän tazavallan eläjien da valdivovallan elimien keskes. Ohjavokeskuksen ruadajat suadih da työttih valdivoelimih sellitettäväkse enämbän 300 kirjastu.
— Tärgei on, ku kirjazii ei muite vai panna kirjoile, ga jogahizen kirjazen tagan nähtäh konkreettizen ristikanzan sen tarbehien kel. Alovehen ohjavokeskuksen analiitiekku auttau meile teriämbäh kiändyö probliemah puoleh da aijoilleh luadie mielevii ohjavopiätöksii Karjalan eläjien hyväkse, kirjutti Karjalan piämies omassah VK-sivul.
Alovehen ohjavokeskuksen tärgienny vuitinnu jiäjäh valdivoelimien virrallizet sivut sotsioverkos, kuduat jo ammui ollah oigiennu vuoropaginannu valdivon da ristikanzan keskes. Tänäpäi tazavallas on jo enämbi 800 virrallistu ministerstvoin da virrastoloin, školien da lapsien päivykodiloin, bol’ničoin da kul’tuurutaloloin sivuu. Se sistiemu kehittyy ielleh.
Yhty Oman Median kanualah Telegramas!
