Alavozen škola kačotah kohendua
Anuksen piirin ruadomatkan aigah Karjalan piämies Artur Parfenčikov pagizii Alavozen školan kohendamisruadoloi. Vuvvennu 1988 nostettu Alavozen škola on tazavallan suurimii kyläškolii, sie opastuu läs 350 lastu.
— Meile rahvas tullah perehinneh Moskovas, Piiteris, Tulas da toizis linnoispäi. Ostetah täs eländypaikat da jiäjäh tänne elämäh. Eläjii liženöy, sanoi školan johtai Ol’ga Onojeva Karjalan piämiehen lehtistöpalvelule.
Kyläs aktiivizesti kehitetäh opastamistu. Školaniekat opastujah agrokluasois, opastutah kazviloin kazvattamistu da pietäh yhtevytty Valgo-Ven’an Minskan školua. Patriottizeh projektah niškoi opastuslaitos on suannuh grantan Karjalan piämiehen grandufondaspäi.
Vien yksi Anuksen piirin škola on ilmoitettu školien kohendamizen programmah, se on Mägriäs.
Enne kanzallizen projektan hantuzis Anuksen piiris kohendettih Tuuksen da Anuksen školat.
Tänä vuon on lujittu suunnittelu- da arvosteludokumentat vie 44 školan kohendamizeh niškoi. Vuvven loppussah Karjalas juatah den’gua jo hyväksyttylöin 100 školien kohendusruadoloih.
Aihies voit lugie suomeksegi.
