Abuu veteruanoile: Karjalas ozutettih mugavutetut sovat
Petroskoin Oman muan puolistajien fondan ozastos ozutettih mugavutettuloin sobien modelit. Ozutettavinnu oldih kezäkse, talvekse, keviäkse da sygyzykse pädijät komplektat, kudamis hyvä on voimistella da parandua tervehytty. Komplektas on lähes 12 veššii.
Viizi komplektua annettih pivos olijoile veteruanoile, vie nelli työtäh Karjalan piirilöih. Sobii valmistetah yksitellen toivomuksii huomivoh ottajen da ristikanzan tervehytty silmäl pidäjen.
— Eräs niilöis veteruanois, ket suadih sobien enzimäzet komplektat, on Andrei Savkin. Erillizeh voinuoperatsieh Andrei lähti kontraktan allekirjutettuu. Bojus veteruanu on suannuh satatuksen, min periä hänel amputiiruittih jallan siäri. Rohkevuos Andrei on suannuh Suvorovan medalin. Enne Oman muan puolistajien fondu mugavutti veteruanan eländykohtan hänen tervehytty silmäl pidäjen, andau tieduo Oman muan puolistajien fondan Karjalan ozasto omassah VKontaktas.
Mugavutettuloin sobien suandakse pidäy kiändyö oman sotsiualukoordinuattoran puoleh libo Oman muan puolistajien fondan Karjalan ozastoh adresil: Petroskoi, Sverdlovan piha, 1 ruadopäivin ruadoaigah da suovattan 14.00 da 17.00 čuasun välis.
Aihies voit lugie suomeksegi.
Yhty Oman Median kanualah Telegramas!
