Ašuttamisohjelma: pereh šuahah korttierija

Belomorskissa viisikertani talo rakennetah valmehekši oraškuušša. Kuva: Viktor Rossipnovin VK-šivu

Karjalašša vuuvven loppuh šuaten yli 600 perehtä šuau uuvvet korttierit ašuttamisohjelman rajoissa. Šitä varoin tašavallan eri piirilöissä rakennetah viittä kerroštaluo, ilmottau Sampo TV 360˚ -verkkojulkaisu.

— Belomorskissa viisikertani talo rakennetah valmehekši oraškuušša, a kešäkuušša kanšalaiset aletah šuaha uušien korttierien avuamie, kerto verkkojulkaisu viitaten Karjalan halličukšen varaministerin Viktor Rossipnovin šanoih.

Šamoin ruttoh eistyy talojen rakentamini Pitkärännašša, Lahdenpohjašta, Šuojärveššä ta Petroskoissa. Lähitulovaisuošša tašavallan viranomaset meinatah šuaha lisärahotuš ohjelman šeuruavah vaihieh.

Yhty Oman Median MAX-kanalah!