Урок 9 Спряжение глаголов в настоящем времени

Прочитай и прослушай текст. 

Найди все глаголы и определи, в какой форме они находятся. 

Выпиши и найди в словаре все незнакомые слова.

Mie olen Mikko. Mie elän Piiterissä. Miula on kakšitoista vuotta ta mie opaššun koulušša. Koulušša miula on äijä kaverija – tyttöjä ta prihaččuja.

Kaikista enemmän mie tykkyän lukie. Šiih milma opašti Anni-ämmö. Mie luven kaikenmoisie kirjoja – dinosauriloista, avaruošta, urheilušta.

Koulušša mie opaššun enklannin kieltä, še miellyttäy milma. Koulun jälkeh mie iče opaššun vielä šuomen kieltä. Mie olen karjalaini ta šuatan paissa karjalakši. Šiih milma opaššettih ämmö ta ukko. Hyö eletäh Vuokkiniemen kyläššä ta hyvin paissah karjalakši. Kešällä mie rikeneh olen heijän luona, kylven järvie, onkitan kalua ukon kera, yheššä myö käymmä marjašša ta šieneššä.

Mie tykkyän urheiluo. Mie peluan jalkapalluo. Meijän jalkapallojoukošša on yksitoista henkie – kaikki prihačut.

Miun muamo ruatau pol’ničašša, hiän on liäkäri. Tuatto ruatau šohverina. Hiän ajelou šuurella kuorma-autolla. Miula on pieni čikko Našto, hänellä on kuuši kuukautta.  Hiän mitänä ei rua – vain šyöy ta makuau.

Mie tykkyän šuovattua, konša kaikki pereh on koissa. Myö voimma paissa šiitä, kuin mäni netäli. Ta voimma šyyvvä kalittoja, kumpasie muamo paistau.