Venäjän kirjailijaliiton jäšen Jelena Soini on nellän runokokoelman ta muutoman runonäytelmän, kumpasien luvušša on rokki-ooppera «Bjarmija», luatija. Uuteh kirjah «Öini pohjoislintu» (ven.«Ночная северная птица») kuulutah viime vuosien runot ta parahat runot entisistä kokoelmista. Jelena Soinin runojen ominaisukšina ollah täyšišiämellisyš, psihologini jännityš, ilmekkyš. Hänen runot rakkahuošta, košetukšešta nykyaikah, ihmisih, iččieh ollah terävät ta vuottamattomat. Kirjašša enšimmäistä kertua ollah esitetty šuomelaisien nykyaikasien runoilijien Risto Ahtin, Heli Laaksosen, Enni Haukion ta toisien, enklantilaisen Nancy Mattsonin ta kiinalaisen runoilijan Li Qin tevokšien venäjännökšet. Viisikymmentä vuotta keštänyön paussin jälkeh on kiännetty kosmogonini luku runoilijan Qu Yuanin Kyšymykšie taivahah -runoelmašta (IV vuosišata eaa.).