Vladimir Putin on allakirjuttan käšyn karjalaisien rissinnän 800-vuotisjuhlašta
Valtijon piämieš on piättän hyväkšyö Venäjän halličukšen kehotukšen karjalaisien rissinnän 800-vuotisjuhlan pitämiseštä federalisella tašolla.
– Kiitän presidenttie meijän alottehen kannatukšešta ta huomuavaisešta košetukšešta Venäjän kantarahvahien kulttuurin ta henkellisen perinnön šäilyttämisen kyšymykših. Tätä merkittävyä päivyä piemmä vuotena 2027. Vladimir-Suzdalin Laurentiuslaisen aikakirjan mukah juuri vuotena 1227 ruhtinaš Jaroslav Vsevolodovič rissitti “äijän karjalaisie”, kirjuttau Karjalan tašavallan piämieš Artur Parfenčikov omalla VK-šivulla.
Piäjuhlatapahtumie vietetäh Karjalašša. Karjalaisien rissinnän juhlaohjelman rajoissa tašavallašša peruššetah uušie henkellis-šivistäjie keškukšie, restauroijah pravoslavoin uškon levittämiseh liittyjie kulttuuriperinnön objektija, toteutetah kuštannušprojektija šekä pietäh šivissyštilaisukšie.
