Änižröunan Kvarcitnii-küläs mäni Aleksandr Ivanovan ”Nece oli Karjalas”-pjesan lugendezituz. Azjtego mäni Vepsän rahvahan tütar-projektan ramkoiš da oli sen ezmäižen satusen.
Edel sidä ”Vepsän rahvahan tütar”-projektan tegijad ajoiba Änižröunan külidme akt’oran mastar’-klassoidenke da sen satusiden mödhe tegiba lugendezitusen. Lugendezitusele ühtniba Rahvahaližen teatran da Konservatorijan akt’orad, Kul’turan da teidehiden kolledžan openikad da Änižröunan eläjad.
— Nece azjtego da kogonaine projekt om tehtud sen täht, miše johtutada ristituile sen polhe, miše muštole tariž eläda igäks, sanub projektan pämez’ Anna Anhimova.
”Vepsän rahvahan tütar”-projekt tehtas Anna Lisicinan 100-voččeks sündundpäiväks Karjalan pämehen grantoiden fondan abul.