Vepsän kozičend – Kut ende neiččed da prihad valičiba ičeleze paran?
Ondrei da Sandra jatktaba tundištoitta kacujid melentartuižidenke tedoidenke Karjalan igähižiden rahvahiden polhe. Udes “KV-show”-vipuskas vedäjad starinoičeba vepsläižiden kozičendan veroiš. Sjomkoihe ühtniba Karjalan Kul’turan da taidehen kolledžan üläopenikad.
— Mö kaiken naprim kucta sjomkoihe ristituid, kudambil om melentartuz’ rahvahaližehe kul’turaha. Meletan, völ äi kerdoid kucum openikoid. Karjalaižiden kozičendas völ em planuikoi tehta sjomkoid, no, voib olda, kuvadam neciš-ki, sanub “Oma Media” -portalale Aleksandra Aniskina.
Tedoid siš, kut mäni kozičend vepsläižil, voib löuta istorialižiden tedoiden doktoran Irina Jurjevna Vinokurovan “Vepsläižiden mifologii: enciklopedii ” -kirjas.
Aigemba karjalaiž-vepsläižen Internet-šoun vedäjad starinoičiba vepsläižiden primetoiš, miččed om sidotud vedehe.
Verez “KV-show”-programman vipusk voib kacta projektan “VKontakte”-gruppas.
Uzišt neciš temas voib lugeda mugažo venäks.
