Ven’an tsivilizatsii: kilbu algavuu kezäkuus
Kanzalližuksien azieloin federualline agentstvu ilmoitti IX kanzoinvälizen fotokilvan ”Ven’an tsivilizatsii”.
— Kilbua pietäh kezäkuun 12. päivän da ligakuun 12. päivän välis. Kilbah voijah yhtyö 18 vuottu vahnembat rahvas, ilmoittau Karjalan kanzallizen da alovehellizen poliitiekan ministerstvan lehtistöpalvelu.
Kilbua pietäh seiččemes nominatsies: Perehen kallehuot, Ainavoluaduine luondo, Ilmiet da sugupolvet, Suuren muan perindöt, Arhitektuuru da skul’ptuuru, Hengelliziet sidiet da Oman muan puolistajat. Arvostajien joukko valliččou parahan fotokuvan, kudai suau gran-pri-palkindon. Kilvan valmistajat sego annetah palkindo lapsekkahan perehen parahas fotokuvas.
Kilbah työtyt fotokuvat pidäy olla ei 2018 vuottu aijemba luajitut.
Kilbua pietäh Valdivollizen kanzallizen poliitiekan realizatsii -programman puittehis.
Mennytvuodehizeh kilbah yhtyi enämbi kolmie tuhattu fotokuvuajua da oli työtty lähes 19 000 fotokuvua.
Aihies voit lugie vepsäkse, suomekse da ven'akse.
