”Ven’an tsivilizatsii”: kanzalline moniluaduvus nägövih
Ven’an kanzoin azieloin agenstvu pidäy Ven’an tsivilizatsii -fotokilbua. Yhtyö kilbah ligakuun 12. päiväh suate voibi jogahine 18 vuottu vahnembi.
Kilbua pietäh eri nominatsielois: ainavoluaduine luondo, ilmiet da sugupolvet, suuren muan perindöt, arhitektuuru da kivenvestämine, hengellizet sidiet, kodimuan puolistajat da perehen kallehuot. On olemas erinomaine nominatsii: Ven’an lapsekas pereh.
— Kilvan piätarkoitus on kanzoinvälizien suhtehien garmonizatsii da Ven’an kanzoin etnokul’tuurine kehitys rahvahien mieldy peräjuurih da ven’an kul’tuuran perindölöih kiinnittämäl, on sanottu Ven’an kanzoin azieloin agenstvan sivul.
Joga nominatsies kunnivoitut arvostajat vallitah kolmin voittajin. Sego arvostajat miärätäh, ken suau Gran-prin.
Vuvven 2024 kilbah oli työtty 18 786 kuvua. Enzimästy kerdua Ven’an tsivilizatsii -kilbu oli pietty vuvvennu 2017. Tämä on jo yheksäs moine kilbu.
Tämän vuvven kilvan voittajii ruvetah kunnivoimah Ven’an rahvahan yhtenäžyön päivänny Moskovan linnas.
