Mibo on karjalaine valehsuarnu? Niidy vereksen noumeras on kylläl lugiettavakse. Pačinsuus-rubriekan suvaiččijat opastutah varustamah perindällizii piirualoi: keitinpiirualoi da kalaččuloi.
Karjalazen folklouran tutkii Valentina Mironova täl kerdua sanelou tuohes — kummatuttau se, ku tuohes luajittih kaikkie ennevahnas, a kuibo sidä tuohi-sanua käytettih kielen čomendamizekse.
— “Kalevalan” suvaiččijat voijah tarkastua omua iččie — arvata sanaristakko eepposua myöte. Brihaččuloile täl kerdua lugiettavua on äijy — pieni kniigaine mašinoih nähte, kudamat avvutetah ristikanzoi. Leikakkua se da pangua runot mustoh, sanou “Kybenyön” toimittai Ol’ga Smotrova.
Niilöile, ket suvaijah azuo midätahto omin käzin, “Kipinä” valmisti hyvittelykorti Äijäksepäiviä, sih niškoi, ku luadie se valmehekse, pidäy plastiliinat.
Niilöile, ket pietäh omua ogrodua Volvol-rubriekas “Kipinä” sanelou hukanmuarjas — magies da aigazes ku must’oi.