Karjalašša uuvvissetah šuosittuja kešämökkiteitä. Yli 200 kilometrie teitä korjatah kanšallisen Turvalliset ta kunnolliset tiet -projektin rajoissa.
Karjalan Onegarannan piirissä alko Muašjärvi–Šapšajärvi-, Šapšajärvi–Lososinnoje- ta Lososinnoje–Petroskoi -teijen korjauš. Nämä tiet viijäh šuosittuih kešämökkipaikkoih ta niitä myöten ajau äijän ihmistä.
– Nyt näillä teillä levennetah tiereunoja, puhissetah ne penšahista, vaihetah tien alla olijie vesiputkija. Šulakuun toisella puolella šuunnitellah ottua pois vanhan asfaltin ylätašo ta šen jälkeh ruvetah panomah uutta asfalttie, ilmottau Karjalan tietalouven, liikentehen, pošti- ta telelaitokšen ministerijön lehistöpalvelu.