Šuomelais-ugrilaini nuoriso vaštautuu marilaisella mualla
Šyyškuun 9.–12. päivinä Mari El -tašavallašša pietäh III Šuomelais-ugrilaisien kanšojen forumi. “Šuomelais-ugrilaini nuoriso muuttujašša muailmašša: tovellisuš ta tehtävät”.
Forumi yhistäy kanšalaisjärještöjen, eksperttien ta tietäjien šeurojen etuštajie, viestintien, kulttuuri- ta taitolaitokšien spesialistija šekä virkamiehie.
Karjalan tašavallašta forumih lähtöy yksitoista henkie: Kanšalaisjärještöjen johtajie ta jäšenie, Karjalan kanšallisen ta alovehellisen politiikan ministerijön etuštajie, toimittajie, tieto- ta kulttuurialojen spesialistija, koulujen johtajie ta opaštajie. Hyö ruvetah esiintymäh forumin kolmešša ošašša ta keškuššellah piäteemoista: nykyaikaset media-aloista, kanšallisien järještöjen johtajien tehtävistä šekä perintehellisistä henkellisistä arvoista.
— Kahen luovan ryhmän johtajana ollešša tahon kertuo omašta toiminnašta, mitä mie ruan näissä ryhmissä šuomelais-ugrilaisien kanšojen, erityisešti karjalaisien, vepšäläisien ta šuomelaisien kulttuuriperinnön šäilyttämisekši. Erikoista huomijuo annan Kičči-kočči-lapšien kieliryhmän ruavolla ta šillä, mitein opaššan lapšie šoittamah kantelella ta esittämäh kultturi- ta folkloriperintyö, šano forumin ošallistuja Alina Kartinen.
Aihiešta voit lukie niise šuomekši ta venäjäkši.
