Kalevalan perintehellistä pruasniekkua vietetäh kešäkuun 4. päivänä. Juhlatapahtumakši valmissettih monipuolini ohjelma – oli pietty kyykkä-pelin, lento- ta potkupallon kilpailut, juhlallini konsertti ta näytetty Rassuajat-spektakli.
– Tämä pruasniekka on tärkie niillä, ket kunnivoijah omua muata ta ket ollah ylpeitä šen istorijašta ta kulttuurista. Kalevalan piirissä piettävät kultuuritilaisuot aina ollah täysie rakkahutta kotimualla, tervehti pruasniekan ošanottajie Kalevalan piirin piämieš Valentina Bulavtseva.
Konserttiohjelmašša kuulu kantelehen šoittuo, lauluja venäjäkši ta karjalakši, oli tanššittu perintehellisie tanššija. Kaččojat näkeyvyttih toini toisen kera ta šuatih keškuššella. Konsertin jälkeh esiinty Kalevalan kanšallini teatteri. Valentina Saburovan ohjuamašša Rassuaja-spektalissa oli yhissetty karjalaisilla ominaini huumori šekä ihmisien viisahuš ta näytetty perintehellisie tapoja.
Illalla Lönnrotin männyn viereššä Runoranta-paikalla pruasniekka jatkuu. Järještäjät luvatah mukavua ta iloista juhlapivon jatkuo.
Lisyä lukekkua Oma Mua -lehen uuvvešša numerošša 8.06.2022