Tulgua opastumah karjalan kieldy!
Ligakuus algajen Karjalas ruvetah pidämäh karjalan kielen kursiloi. Opastuo karjalan kieldy tänä vuon voibi Petroskois Karjalan rahvahan luomisruavon keskukses da Karjalazien, vepsäläzien da suomelazien resursumediakeskukses, Anuksen piirin Alavozes, Kalevalan piirin Borovois da Louhen piirin Piäjärvel.
Karjalan rahvahan luomisruavon keskus kuččuu kaikkii himoniekkoi, ket ollah vehnembi 16 vuottu, opastumah vienankarjalua da liygii. Vienankarjalua ruvetah opastamah joga toinargie 17.30 aigah, livvinkarjalua — joga nelläspäiviä 17.30 aigah. Kursiloi ruvetah pidämäh adresil Petroskoi, Leninan lagevo, 2. Ližiä tieduo on internetas.
Karjalazien, vepsäläzien da suomelazien resursumediakeskukses, kudai ruadau Periodika-julguamon talois adresil Titovan piha, 3, sežo ruvetah opastamah liygii da vienua, jogahistu kerran nedälis.
— Niidy, ket tahtotah opastuo vienua, jo on kerdynyh läs kogonaine joukko, livvin murdehen opastujua on vähembi, kehitämmö nuorii dai ruavahii yhtymäh kursiloih. Opastundu algavuu jo syvyskuun lopus, sanou Periodika-julguamon johtai Natalja Sinitskaja.
Ilmoittuakseh opastukseh voibi resursukeskuksen vk-sivul.
Karjalan Rahvahan Liitto kuččuu kielikursiloih Alavozen, Borovoin da Piäjärven kylien da lähikylien eläjii. Alavozes ruvetah opastamah liygii, Borovois da Piäjärves — vienua. Kielikursiloi Liitto pidäy oman uvven projektan mugah “Karjal kuvis: Histourii. Kieli. Kul’tuuru”. Ližiä tieduo KRL:n vk-sivul.
Kai kursit ollah ilmazet.
