Total’noi sanelu: ozanottajat voijah tarkastua kirjutusmaltuo 26 kielel
Karjalan da toizien Ven’an alovehien eläjil on mahto kirjuttua sanelu omal kielel. Total’noi sanelu -projektan hantuzis jo nellätty kerdua pietäh Tot.Jazik -aktsiedu. Tänä vuon 26 kanzallizele kielele kiännettih Aleksei Varlamovan tekstu, kiännöksien keskes ongi kiännös vepsän kieleh.
Aktsii pietäh 18. sulakuudu. Saneluu ruvetah kirjuttamah Ven’an enämbi migu 50 linnas da vie ulgomualois. Sanelun kielien keskes on äijy Ven’an rahvahien kieldy da sen ližakse sidä voibi kirjuttua ulgomuan kielil, ezimerkikse polšan, turkoin, koreitsoin kielil da toizil.
— Tot.Jazik-aktsien piätavoittehennu on säilyttiä da kehittiä Ven’an kanzallizii kielii. Vuozi 2026 on ilmoitettu Ven’an muan kanzoin yhtenäžyön vuvvekse da tämä tapahtumu on tärgei nygyaijas. Mennyöt sanelut ozutetah, gu rahvas kiinnostutah omih kielih, sanoi Total’noi sanelu -fondan johtai V’ačeslav Bel’akov.
Tänä vuon Ulan-Ude-linnu vallittih Total’noin sanelun piälinnakse. Bur’atien valdivonyliopstos tekstu lugietah bur’atoin kielel.
Saneluu ruvetah kirjuttamah äijis Ven’an linnois. Tiijustua sanelun kirjuttamizeh nähte omas linnas da kirjuttuakseh pidoh voibi aktsien virrallizel saital.
Aihies voit lugie vepsäkse da ven'akse.
Yhty Oman Median kanualah MAX:as!
