Kezakun 8.—9. päivil Moskvas pidetas Regionankeskeine ”Venäman kul’turiden äjuz’”(”Mnogocvetije Rossii”)-festival’, mitte necil vodel om omištadud Karjalan valdkundan rahvahiden kul’turale. Festivalile kuctihe Petroskoin universitetan ”Toive”-rahvahan muzikan ansambl’ad.
— Mö ezitaškandem ”Kalevalan melodijad”-programmanke. Tundištoitam Moskvan adivoid pohjoižkarjalaižiden karguidenke da pajoidenke, mugažo suomalaižen mazurkanke da pol’kanke. Vaumičemoiš matkaks, äi repeticijoid om. Nece om lujas holekaz i vastusenpidäi azj, sanub ansambl’an administrator Alevtina Voitovič.
Moskvan eläjil da adivoil linneb hüvä voimuz tundištadas Karjalan kul’turanke, tradicijoidenke. Festivalil radaškandeba kuviden da rahvahan sädoiden ozutelused, tehtas erazvuiččid mastar’-klassoid. ”Toive”-ansambl’an artistad opendaba festivalin adivoid kargaidamha karjalaižid karguid.
Tarkašti täs.