Tietä korjatah šuunnitelmie rutompah

Koko korjattavan tien pituš on 76 kilometrie. Kuva: Tietalouven, liikentehen, pošti- ta telelaitokšien ministerijön lehistöpalvelu

Karhumäki—Tolvoja—Šuurlahti-tietä korjatah šuunnitelmie nopiemmin. Koko korjattavan tien pituš on 76 kilometrie. Tämä tie on oša automatašta Karjalan šuurella nähtävyöllä — Kižin musejo-šuarella.

— Tien korjuamini jatkuu enši vuotena ta jotta še jatkuis nopiemmin, Karjalan hallituš anto lisärahotušta. Vuotena 2022 korjatah 37 kilometrie ta vuotena 2023 vielä 35, ilmotti Karjalan tašavallan tietalouven, liikentehen, pošti- ta telelaitokšien ministerijön lehistöpalvelu.

Korjatulla tien pätkällä spesialistit vahvissettih tien pohjua ta reunoja, vaihettih vesiputkija uušiksi, korjattih šilta Kumsa-joven yli, pantih uutta asfalttie.

Tie kulkou Oneganiemie kautti ta šamoin auttau kehittyä tämän alovehen matkailumahollisukšie.