Suomen suomalaiž-ugrilaine sebr pauklahjoiči Nina Zaicevad
Karjalan valdkundan tetab vepsläine, arvostadud kel’tedomez’, filologijan tedodoktor, kändai da runoilii Nina Zaiceva sai korktan pauklahjan Suomen suomalaiž-ugrilaižen sebraspäi.
Pauklahj anttihe Nina Zaicevale vepsän kelen tedo- da kehitoitandtös hänen jubilejannoks.
— Olen ihastusiš, miše minun radod da satusid minun kodikelen openduses da udessündutandas homaitihe. Tahtoin sanuda sured spasibod kaikile tuges da abus, sanub Nina Grogorjevna.
Suomalaiž-ugrilaine sebr om üks’ kaikid vanhembišpäi suomaližiš sebroišpäi. Sille täl vodel täudub 90 vot. Sebr andab jogavoččen aburahan da elontönpauklahjan.
Pauklahj ei anttud joga voden, se om lujas harvinaine. Sebr päti antta pauklahjan Nina Zaicevale, sikš ku hän om sur’ vepsän kelen tedai da udessündutai.
