Seminar kodikelen opendajiden täht mäneb Petroskoiš
Petroskoiš mäneb openduzmahtoiden seminar vepsän, karjalan da suomen keliden opendajile. Se planuitas tehtas 9. sulakud Karjalan opendamižen kehitoitusen institutas.
Vepsän, karjalan da suomen keliden opendajid kuctihe seminarale, miččen nimi om ”Literaturan lugemine kodikelel”-openduzčasun programmad”. Sil om ezitadud uded openduzprogrammad. Seminar tuleb mel’he školiden da universitetan opendajile, ristituile, ked radaba kodikelidenke.
˗ Seminar pidetas institutas 14.30 - 15.30 časud 9. sulakud. Kaik ühtnikad saba todištused sminaran jäl’ges. Kaik tahtnikad, ked ei voigoi tulda, voiba ühteta internetan abul-ki, sanub seminaran tegii Ol’ga Hramcova.
Sen täht, miše ühteta seminaraha, pidab tehta registracijad institutan oficialižel saital. 8. päivähasai sulakud. Kaik ližatedod voib tedištada telefonan mödhe 89814001896 vai kirjutada verkpočtale.
