Piteriš kactihe Venäman suomalaiž-ugrilaižiden rahvahiden etnokul’turižen kehitoitandan küzundoid. Ištundan aigan kactihe erazvuiččiden projektoiden tegemižen küzundoid, miččed om oigetadud regionankeskeižen da kul’turkeskeižen ühthižradon vahvištoitusehe.
Karjalan mahtišton eziti Venäman Suomalaiž-ugrilaižiden rahvahiden associacijan ühtnik, Baltianmeren-suomalaižiden rahvahiden ligan pämez’ Anna Anhimova.
— Ühtnend neche azjtegoho andoi voimusen pagišta ühthižtös Venäman suomalaiž-ugrilaižiden regionoiden ezitajidenke. Nügüd’ om lujas tärged vahvištoitta regionankeskeižen ühthižtön, sauda uded kosketused, muga mö voim vajehtadas mahtištol, — jonošti Anna Anhimova.
Venäman suomalaiž-ugrilaižiden regionoiden etnokul’turine kehitoitand mäneb kompleksas. Karjalas Etnokul’turine kehitoitand todenzoittas 2017 vodespäi. Azjbumagaha mülüb 19 azjtegod.