Rahvahaline muzei starinoičeb Karjalan linduiden polhe
11.03.2022
Karjalan Rahvahaline muzei varastab adivoihe. Uz’ ”Linduižiden holed”-ozuteluzsija zavodib rata keväz’kus.
Ozuteluz avaidab lapsile Karjalan linduiden peitusid. 0+ Kuva: pixabay.com
Enamba Karjalan linduižiden polhe voib tedištada keväz’kus Rahvahaližes muzejas. Uz’ ”Linduižiden holed”-ozuteluzsija tundištoitab norid muzejan kävujid linduiden elonke, niiden sömänke da änidenke. Mugažo adivod voiba nägištada linduid, miččed eläba toižiš Venäman regionoiš.
― Ozutelusen rad zavodiše 16.keväz’kud. ”Linduižiden holed”-ozuteluzsija tuleb mel’he lapsile päivkodišpäi, školiden openikoile da kaikile, kelle om melentartušt tedištada Karjalan londuses enamba, sanub Rahvahaližen muzejan radnik Natalja Zabolotskih.
Melentartuižed tedod linduiš, tundištoituz linduiden pezoidenke, ozoitesed da videod - kaik nece varastab muzejan adivoid.
LIŽIÄ AIHIES
