Rahvahaližes kirjištos pagištihe rahvahiden keliden opendamižen tarbhudes
”Venäman rahvahiden keled Venäman ühthižopendusen sistemas”-seminar-paginištund, mitte mäni Karjalan pälidnas, om omištadud küzundoile, miččed om oigetud Venäman rahvahiden keliden tugemižehe, hüvän keliden opendamižen mahtištoho.
Seminaraha ühtniba Karjalan opendusen kehitoitusen institutan radnikad, Karjalan školiden opendajad, Periodika-paindišton toimitajad, Petroskoin universitetan da Karjalan tedoakademijan radnikad da kundsebroiden ezitajad.
— Meile kaikile om lujas tärged, miše rahvahiden keled oližiba da eläižiba. Sen täht pidab kerata kaik meiden mahtišt ühthe da zavot’t’a opeta kel’t jo laps’aigaspäi, sanui seminaran moderator, Venäman openduzministerstvan kollegijan ühtnik, Rahvahaližen vanhembiden associacijan päsekretar’ Aleksei Vladimirovič Gusev.
Seminaran-paginištundan tegijad oma Karjalan valdkundan opendusen da sportan ministerstv, Karjalan opendusen kehitoitandan institut da Kaikenvenäman ”Rahvahaline vanhembiden associacii”-sebr.
